Phone se apne chhup jaane ko mann chaha
Haryali to eidher bhi hai or udher bhi
Par edher ki haryali kuchh nirali hai
Maano saare vriksh aur khet abhi amrit se dhule hain
Neele aasman ki chaadar mein kuchh baadal jhaank rahe hain
Kuchh rang birange patang phir naach nachaa rhi thi
Maano mujhe pukaar rhi thi
"Aao tum bhi khelo humare saath
Thodi derke liye saari bhaag-dhaur bhool jao "
Aaj fir unse baatein karne ko dil chhaha
Aaj fir patang udane ko mann chhaha
Aaj fir muskarane ko mann chaha
Gaane sirf sunne ki jagah gungunane ko mann lalchaya
Bacchpan mei murd jaane ko mann chaha ek adhbhut si shaanti thi jahan us jagah wapas jaane ko mann chaha
Ghadi se rishta todh
Masti se jodne ko mann chaha
Kuchh pal ke liye theher ke zindagi ka rukh dekhne ko mann chaha
Aaj fir muskarane ko mann chaha
Aaj fir patang udane ko mann chaha
No comments:
Post a Comment